បណ្តុះបណ្តាលអ្នកដឹកនាំក្រុមជំនុំទូទាំងប្រទេសកម្ពុជា

តើអ្វីទៅជា កម្មវិធី ធីអ៊ីអ៊ី (TEE)?

ធីអ៊ីអ៊ី (Theological Education by Extension) គឺជាវិធីសាស្ត្រអប់រំទេវសាស្រ្តដល់មូលដ្ឋាន។ កម្មវិធីនេះមានប្រសិទ្ធភាពក្នុងការបណ្តុះបណ្តាលអ្នកដឹកនាំក្រុមជំនុំ ។ វិធីសាស្ត្រនេះត្រូវបានបង្កើតឡើងនៅប្រទេសហ្គាតេម៉ាឡា ក្នុងឆ្នាំ ១៩៦៣ ហើយឥឡូវនេះត្រូវបានប្រើប្រាស់ជាង 100 ប្រទេស នៅជុំវិញពិភពលោក។ សិស្សទាំងអស់ត្រូវសិក្សាមេរៀនដោយខ្លួនឯងតាមរយៈសៀវភៅសិក្សា នៅតាមគេហដ្ឋានរបស់ខ្លួន។ ជារៀងរាល់សប្តាហ៍ សិស្សត្រូវជួបជុំគ្នាម្តងនៅមជ្ឈមណ្ឌលសិក្សាក្នុងមូលដ្ឋាន ដើម្បីពិភាក្សា ចែករំលែកការយល់ដឹង និងបទពិសោធន៍ពីមេរៀនដែលបានរៀនរួចមកហើយ ព្រមទាំងទទួលបានការណែនាំ និងគាំទ្របន្ថែមពីអ្នកនាំមុខក្រុមសិក្សា។ បន្ទាប់ពីបានសិក្សា និងពិភាក្សាអំពីមេរៀនរួចរាល់ សិស្សត្រូវយកចំណេះដឹង និងគោលការណ៍ដែលបានរៀនទៅអនុវត្តជាក់ស្តែងក្នុងជីវិតរស់នៅ និងក្នុងព័ន្ធកិច្ចបម្រើព្រះតាមក្រុមជំនុំរៀងៗខ្លួន។